Во петок нов бојкот на маркетите во Хрватска, се најавува бојкот и во БиХ

Платформата „Хало, инспекторе“, која минатиот петок организираше масовен бојкот против високите цени на храната, најави нова акција со истата цел. Новиот бојкот е закажан за петок, 31 јануари, а сите детали ќе бидат објавени денес.

Конечната одлука на граѓаните ќе биде позната во понеделник. Затоа решивме во „5 до 12“ да ги изнесеме сите релевантни информации. Важно е да нагласиме дека нашата платформа постои повеќе од пет и пол години, во кои постигнавме значителни резултати во едукацијата, информирањето и заштитата на потрошувачите. Ние не сме политички поврзани, ниту сме политички ангажирани. ‘Хало, инспекторе’ е единствената официјална платформа што ги застапува интересите на граѓаните и комуницира во врска со бојкотите на продавниците. Силно ги отфрламе обидите за создавање нереди и конфузија од одредени лица и организации,“ изјави за Н1 телевизија Јосип Келемен, советник на платформата „Хало, инспекторе“.

По успешната граѓанска акција во Хрватска, на социјалните мрежи во Босна и Херцеговина се шират повици за бојкот на продавници, бензински пумпи, кафулиња и ресторани в петок, на 31 јануари, како израз на незадоволство од високите цени и нискиот животен стандард.

Извор: Vecernji.hr/Mondo.ba

Фото:Pexels