Македонија

„Ла Нои“ – нов концепт со поинаква приказна

06 авг 2020

Продавницата „Ла Нои“, која нуди нов концепт на пазарување, беше отворена на 8 јули.

Објектот, кој е на вкупна површина од 160 квадратни метри, се наоѓа на улицата Орце Николов, бр. 204, спроти влезот на Машинскиот факултет во скопската населба Карпош.

Пред сè, ова е семеен бизнис. Одамна имавме желба да отвориме објект што ќе понуди нешто различно. Следејќи ги светските трендови и динамичниот животен стил, креиравме бренд што ќе овозможи квалитетна, економична и функционална услуга, а истовремено, ќе овозможи и пријатен амбиент и искуство на највисоко ниво, изјави за InStore Марија Тасиќ од „Ла Нои“.

Објектот е  поделен на неколку сегменти: високо квалитетни пекарски производи (солени и благи печива, лебови); кафе и други пијалаци; продажен дел (мини-продавница со топ-брендови и најпродаваните производи од тие брендови). Во делот што е наменет за појадок, освен печива, секојдневно има и производи од портфолиото на „Вега“ (свежи салати, чиа-пудинзи, гранола и различни вегански слатки – торти, тартови, бомбици и сл.).

Наместо класични каси, во „Ла Нои“ има наплатни пултови, кои изгледаат слично како на бензиските станици.

Подготвени сме да се приспособуваме според потребите на потрошувачите и постојано да внесуваме иновативност во асортиманот и начинот на работа. Нашата мисија е постојано да вложуваме во брендот. Идејата е да создадеме уникатно портфолио проспособено и достапно за секој потрошувач, вели Тасиќ.

Асортиманот секојдневно се збогатува со специфични производи. Најнови во понудата се маслинови масла на точење, различни зачини, био и органски производи (мед, чаеви), а има и уникатна селекција на производи со тартуфи.

Тасиќ открива дека наскоро, во соработка со „Фуд бар“, ќе понудат и пакувано свежо овошје и зеленчук. Во подготовка е и опцијата за онлајн-купување, која ќе биде достапна во текот на следните месеци.



@InStore.mk
Крадењето авторски текстови е казниво со закон. Преземањето авторски содржини (текстови и фотографии) од оваа страница е дозволено само делумно и со ставање хиперлинк до содржината што се цитира. 


Слична содржина



Четвртиот пакет антикризни мерки ќе биде објавен во недела

21 сеп 2020

Македонија во следната година очекува раст на БДП од 4,8 отсто

21 сеп 2020

Секој може да биде газда за 1 евро

21 сеп 2020

Уште пет години продолжена дозволата на „Пакомак“ за колективно постапување со отпад

21 сеп 2020

Министерот за земјоделство: Ќе се откупи целото грозје до последно зрно

21 сеп 2020

Грантови за уште 31 фирма преку Фондот за иновации

21 сеп 2020
Вчитува уште новости...