Македонија

Пазарот најмногу бара трговци и продавачи

02 мар 2020

Во четвртото тримесечје од 2019 година стапката на слободни работни места во државава изнесува 1,77 отсто, објави Државниот завод за статистика. Притоа, најголем број слободни работни места, односно 3.114, има во петтата група на занимања, работници во услужни дејности и продажба, односно трговци и продавачи.

Слично е и во речиси сите квартални статистички извештати веќе подолг период наназад, но не е невообичаено ако се има превид дека се тоа занимања каде се бараат пониски кваликации, како и фактот дека е многу честа миграцијата на вработените во овие дејности. 

Деловните субјекти кои имаат 250 и повеќе вработени имаат само 1,79 проценти слoбодни работни мeста, додека оние кои бројат меѓу 10 и 49 вработени имаат и највисока стапка на слободни работни места која изнесува 2,02 отсто.

Вкупно во државава, во сите дејности, има 502.657 пополнети работни места, а 9.053 слободни. При тоа, од регионите, во Пелагонискиот Регион е евидентиран највисок процент на слободни работни места од 2,08 отсто, покажуваат податоците за четвртото тримесечје од минатата година. Во скопскиот регион има најголем број на пополнети работни места, 253.901, но и најмногу слободни места за работа, 4.745.

Според статистиката, во преработувачката индустрија има најмногу вработени, 120.967 и во трговијата на големо и мало, 85.841, каде се регистрирани и 1.345 слободни места за работа. 



@InStore.mk
Крадењето авторски текстови е казниво со закон. Преземањето авторски содржини (текстови и фотографии) од оваа страница е дозволено само делумно и со ставање хиперлинк до содржината што се цитира. 





Се вчитува следна вест...