Отворен нов „Супер Тинекс“ во Струмица

Денес трговскиот синџир „Тинекс“ отвори нов, модерен супермаркет во Струмица, во рамките на малопродажниот парк „One Stop Shop“, на улицата Климент Охридски, бр. 51.

Новиот „Тинекс“ е на вкупна површина од 980 квадратни метри и е опремен со повеќе различни содржини – модерен оддел за овошје и зеленчук, месарница со свежо месо и сувомесни производи, оддел за млечни деликатеси, пекарница, винотека со голем избор на пијалаци и уште многу други содржини.

Жителите на Струмица и околниот регион ќе имаат уште еден нов, модерен и добро снабден маркет, каде што ќе можат да пазаруваат во пријатна атмосфера и да ги купат бараните производи, по достапни цени. Отворањето на овој супермаркет обезбеди 25 нови работни места, со што „Тинекс“ придонесува и за намалување на невработеноста, во услови на глобална пандемија, соопштуваат од трговската компанија.

Освен новиот супермаркетот во Струмица, годинава беа отворени два нови „Супер Тинекс“ во Скопје (Тафталиџе и Аеродром) и еден супермаркет во Прилеп. Дополнително, беше отворен и еден „Деликатесен Тинекс“, а беа целосно реновирани и два маркета во скопската населбата Хром и во Охрид.