Србија: Задолжително носење маски во затворен простор

Кризниот штаб на вчерашната седница донесе нови мерки за борба против пандемијата со коронавирусот.

Новите мерки што беа препорачани од Кризниот штаб, а Владата на Србија ги прифати, подразбираат носење маски во градскиот превоз и во затворен простор. Носењето маски е задолжително од денеска, од 6 часот наутро, а за тие што не ја почитуваат оваа мерка, предвидени се казни.

Денеска и утре, Кризниот штаб таксативно ќе предложи критериуми врз основа на кои ќе може да биде прогласена вонредна состојба.