Најголемиот производител на брашно во БиХ го намали извозот

Компанијата „Клас“, најголем производител на брашно и на млинарско - пекарски производи во БиХ, одлучи да го намали, а за одредени држави и да го сопре извозот на брашно, за да се осигураат доволно количини за домашниот пазар поради војната во Украина и зголемената побарувачка од граѓаните. 

Компанијата во соопштение наведува дека одлуката за редукција на извозот ја донела поради зголемите барања за брашно од земјите од регионот и потребата да се осигура стабилност и сигурност за домашните потрошувачи.  

Бројни купувачи во БиХ во последните денови ги празнат полиците со брашно и основни животни намирници. Тоа продолжува и покрај апелите од надлежните институции дека има доволно брашно, зејтин, шеќер и други намирници. 

Побарувачката за брашно од „Клас“ е три пати поголема од вообичаената, што ја става под знак прашалник  стабилноста на снабдувањето на домашниот пазар.