„Волт“ отвора виртуелни продавници во Хрватска

„Волт маркет“ ќе отвори виртуелни продавници во Хрватска. Првата ќе ја отвори својата „виртуелна врата“ во Загреб, пред крај на годинава. Планирани се уште неколку такви продавници во текот на следната година. 

Трговецот ќе понуди избор од 1.500 - 2.000 производи со достава во рок од 15 минути од моментот на нарачката. 

Воодушевени сме што оваа година можеме да го донесеме „Волт маркет“ во Хрватска. „Волт“ изгради неспоредливо корисничко искуство во многу домени, како што се дизајн на апликации, ширина на понудата и брзо време на испорака. Повратните информации што ги добивме од други земји ни даваат увереност дека сме на добар пат. Нестрпливо чекаме да видиме како нашите продавници ќе се развиваат тука и да дознаеме повеќе за тоа како можеме да пружиме најдобра услуга за нашите клиенти, изјави Матко Катанец, регионален директор на „Волт“.