Хрватска: „Фортенова“ излезе од ХУП

Групацијата „Фортенова“ излезе од Хрватското здружение на работодавачи (ХУП). 

Од компанијата соопштија дека таквата одлука не мора да ја објаснуваат пред јавноста. 

Со тоа, “Фортенова“ се приклучи кон компаниите кои претходно излегоа од ХУП, меѓу кои се „Орбико“, „Адрис група“ и “Техномонт“. 

Медиумите ја пренесоа изјавата на Бранко Роглиќ од „Орбико“, кој рече дека се незадоволни и дека бараат поостар настап кон Владата. Од „Адрис“, пак, соопштија дека ХУП е групација со која не делат исти вредности.