Бектеши: Угостителските објекти ќе работат најверојатно до 23 часот

Министерот за економија Крешник Бектеши на денешната прес-конференција рече дека со оглед на ситуацијата возможно е да им се дозволи на угостителските објекти да работат до 23 часот.

Тој додаде дека продолжувањето на работното време, најверојатно, ќе се случи по 21 јануари.

Според него, не се работи за нови протоколи, а до кога ќе биде точно продолжувањето на работното време ќе зависи од Комисијата за заразни болести.