Актуелно

Во маркетите потрошени 16 милиони евра од домашните платежни картички

23 Jul 2020

Дури 89 отсто од досега потрошените пари од страна на граѓаните врз основа на домашната платежна картичка биле направени во маркетите, покажуваат податоците што денес ги сподели министерката за финансии, Нина Ангеловска.

Како што наведуваа таа, до 18 јули биле издадени вкупно 276.272 картички на кои биле префрлени 24,6 милиони евра. До овој датум со картичките биле реализирани 1,25 милиони трансакции и потрошени вкупно 17,7 милиони евра. Од тоа во маркетите со овие картички биле потрошени вкупно 982 милиони денари за купување домашни производи (или речиси 16 милиони евра).Другите десетина проценти се распределени на потрошувачката во ресторани и за храна, 4,7 отсто или 30 милиони денари, потоа за текстил, облека и обувки 2,9 отсто или 42 милиони денари, во аптеките биле потрошени 2,3 отсто од или 10,8 милиони денари и под графата „останато“ отпаѓаат 1,1 отсто.

Во хотели и за туризам биле потрошени 3 милиони денари, за мебел и домаќинство 12 милиони денари, во книжарници 1,6 милиони денари и за козметика и услуги 4,4 милиони денари. Преку 276 илјади граѓани веќе добија и користат домашна платежна картичка. Вкупната вредност на веќе издадените домашни платежни картички до 18.07 e 24,6 милиони евра, од кои веќе се потрошени, односно вбризгани во економијата 17,7 милиони евра преку купување македонски производи и услуги, вели Ангеловска.

Таа наведува дека домашнaта платежна картичка има повеќекратен бенефит за граѓаните и за економијата: ја поддржува приватната потрошувачка, ги поддржува домашните производители и услужни дејности, придонесува за раздвижување на економската активност и придонесува за безготовинско плаќање.

Банките ќе продолжат да издаваат и доставуваат домашни платежни картички и во текот на оваа недела.

tags:

#маркети #Нина Ангеловска #домашна платежна картичка

@InStore.mk
Крадењето авторски текстови е казниво со закон. Преземањето авторски содржини (текстови и фотографии) од оваа страница е дозволено само делумно и со ставање хиперлинк до содржината што се цитира.

Се вчитува следна вест...

Најчитано

	Македонија Потребни ли се промени на Законот за забрана на нефер трговски практики? 13 Nov 2024
	Анализи Германија: „Лидл“ се враќа кон своите корени 13 Nov 2024
	Македонија „Вивакс“ продолжува со сопствена преработка на овошје, во тек е откупот на јаболка 15 Nov 2024
	Регионално Јелена Круниќ: Предноста на „малите“ трговци е разбирањето на потрошувачите и брзата промена 13 Nov 2024
	Видео вести (ВИДЕО) Џемаил Даути: Законот за забрана на нефер трговски практики нема да ги намали крајните цени 20 Nov 2024
	Свет САД: „Херши“ ги намали прогнозите за третиот квартал 14 Nov 2024