(ВИДЕО) Нов спот на Lavazza-бурни реакции од сите што го видоа

Good Morning Humanity е новата глобална кампања на Lavazza, која преку зборовите од славниот говор на Чарли Чаплин, Speech to Humanity од филмот „Големиот диктатор“, сака да промовира пораки на позитивност, заедништво и хуманост. 

Кампањата е всушност едноставна. Идејата за универзална порака, која треба да биде над сите нешта што нè разделуваат. Интересно е што спотот отвори многу жестоки расправи на социјалните мрежи, претставувајќи многу негативни и многу позитивни коментари. На пример, на некои од коментаторите им пречи кадарот на девојките што се бакнуваат, други ја споменуваат наводната педофилија на Чаплин, а некои пак, го истакнуваат фактот дека спотот нема никави директни врски со кафето.

Од друга страна, има многу пофалби за спотот, па еден од најчитаните твитови беше: Спотот на Lavazza ме растажи. Ме растажи поради тоа што во 2020 година сè уште не сме подготвени за говор за напредок, одржливост и толерантност кој го држел комичар уште во минатиот век.

Интересно е што во денешно време на модерни технологии и комуникација, секоја порака е подложена на извлекување од оргиналниот контекст. Преку провлекување низ лични симболи и асоцијации може да стане и политичка порака. За брендовите е важна лекцијата дека пораката треба да „погоди“ некоја „жичка“ кај потрошувачот, оти така само така ќе го добие вниманието.

Сигурните пораки не им ја интригираат фантазијата на луѓето, па поминуваат незабележано. А на брендот е одлуката како ќе се носи со реакциите на луѓето.

Позиционирањето на брендовите со наводно универзални вредности предизвика многу бурни и противречни реакции. Важно е да се знае зошто.

Погледнете го видеото: