„Интермарше“ воведува Franco-Score

Француски „Интермарше“ го претстави новиот систем на означување Franco-Score, како поддршка на земјоделството во земјата.

Системот на означување Franco-Score ги прикажува француските суровини што се содржани во суровите и преработените производи од приватните трговски марки. Логото е во облик на мерач, изразен во проценти, кој дава информации за географското потекло и за местото каде што се преработуваат производите.

Од „Интермарше“ објавија и дека ќе вложат 6 милиони евра за создавање линија под брендот PorSi во Португалија. Половина од 1.000 производи, колку што ќе го сочинуваат асортиманот, ќе бидат произведени во таа земја.