Германија: Пад на извозот за 3,4 отсто

Според германскиот сојузен Завод за статистика „Дестатис“, вредноста на извозот во јуни во Германија бележи пад за 3,4 отсто, или на шестомесечен минимум од 127,7 милијарди евра.

Како што се наведува од „Дестатис“, извозот во земјите од ЕУ во јуни паднал за 3,4 отсто во однос на претходниот месец на 69,7 милијарди евра, а извозот во т.н. трети земји за 3,5 отсто или на 57,9 милијарди евра.

Германскиот извоз во САД има пад за 7,7 отсто на меѓугодишно ниво, а пад имало и на извозот во Русија за 3,2 отсто, и Велика Британија за 0,6 отсто, додека извозот во Кина е во пораст за 3,4 отсто.

Ако се анализираат податоците за првите шест месеци од годинава, германскиот извоз паднал за 1,1 отсто на 798,8 милијарди евра во споредба со истиот период од 2023 година. „Дестатис“ објави дека според прелиминарните проценки новите фабрички нарачки во Германија на месечно ниво во јуни биле во пораст за 3,9 отсто.

Домашните порачки во Германија на месечно ниво пораснале за 9,1 отсто, а порачкиет за странство за 0,4 отсто, соопштуваат од „Дестатис“, а пренесува „Танјуг“.

Извор: Politika

Фото: Pexels