Германија: Увозот на авокадо е зголемен за пет пати

Статистиката покажува дека авокадото во Германија со години е во тренд, но популарноста на тоа овошје има и негативна страна.

 Минатата година во Германија се увезени околу 157.800 тони авокадо, сопштија од Сојузниот завод за статистика, што за 10 години е пораст за повеќе од пет пати.

 Истото така, вредноста на увозот пораснала од 68,6 милиони евра во 2013 година, на речиси 484 милиони евра во 2023 година.

 Меѓутоа, негативната страна на ова овошје е во тоа што расте во топли подрачја и поминувајќи илјадници километри пред да се најде во супермаркетите, често може да заврши и во корпите за отпад на потрошувачите.

Авокадото минатата година најмногу било увезено од Перу, (49.200 тони), а потоа следуваат Колумбија (15.800 тони) и Чиле (14.500 тони), што значи дека половина од увезенот авокадо потекнува од јужноамериканските држави.

 Покрај тоа, еколошките активисти често укажуваат на последиците од одгледувањето на авокадото врз животната средина, како што е големата потрошивачка на вода и сечењето на шумите.

Извор: „Дпа“

Фото: Pexels