„Марс“ ја прекина испораката во германски супермаркети

Американскиот производител на чоколада „Марс“ ги прекина испораките на германските супермаркети „Реве“ и „Едека“ поради спор околу цените.

И покрај интензивните преговори, од „Реве“ соопштија дека нема добра причина да се прифати зголемувањето на цената што „Марс“ го бара.

Ние „експресно“ ги отфрливме барањата на американскиот производител, што не може да се оправда со повисоките трошоци за енергија и суровини, соопшти германската малопродажна компанија.

„Едека“ зазеде сличен став. Според нас, сегашните барања на Марс за значително зголемување на цената не се фактички оправдани, рече портпаролот на компанијата.

„Марс“ во Германија, меѓу другото, продава истоимени чоколади, гуми за џвакање, храна за домашни миленици, тестенини и сладолед. Двата супермаркети им нудат на клиентите алтернативни производи, нудејќи им свои брендови и производи од германски компании.

„Марс“, чие германско седиште е во Верден, Долна Саксонија, не ја коментираше најавата на германските малопродажни компании.