Регион

Првпат во Сараево се одржува CEO Summit за бизнис лидери од регионот

18 Jun 2020

Денес во Сараево се одржува првиот CEO Summit, конференција која ги обединува успешните лидери и компании од Босна и Херцеговина и од регионот. Организатор е босанската редакција на InStore.

Што ни носат промените кои настанаа во време на криза, како да се прилагодиме и да продолжиме со редовно и успешно работење, кои се можностите што компаниите во БиХ и во регионот не смеат да ги пропуштат, какви перспективи не чекаат, се само некои од темите на кои зборуваат домашни и регионални CEO лидери.

CEO Summit е наменет за бизнис лидерите од БиХ и од регионот, за директори на компании, за топ менаџментот од реалниот и од услужниот сектор, за претставници на државни институции, за дипломатскиот кор... На конференцијата физички се присутни претставници на повеќе од 70 компании, 13 говорници, и претставници на спонзорите-повеќе од 20 компании, кои ги препознаа моментот и потребата да се ангажираат во целта за подобрување и за опстанок на пазарот. Оние кои не се во можност физички да присуствуваат, ја следат конференцијата преку онлајн-стриминг.

Ова воедно е и можност домашните лидери да се обединат и со заеднички проекти да го помогнат опстанокот, но и да отворат нови можности за ширење на бизнисот. Лидерите на денешното време и лидерите на новото доба ќе послужат како инспирација и водич низ темите кои во овој момент се клучни за одрливост на компаниите и на стопанството во целина, и да го одредат патот на многу компании кон новиот „стар“ почеток, соопштија организаторите.

Повеќе за програмата и за говорниците можете да видите тука.

tags:

#конференции #InStore #CEO Summit Сараево

@InStore.mk
Крадењето авторски текстови е казниво со закон. Преземањето авторски содржини (текстови и фотографии) од оваа страница е дозволено само делумно и со ставање хиперлинк до содржината што се цитира.

Се вчитува следна вест...

Најчитано

	Македонија Потребни ли се промени на Законот за забрана на нефер трговски практики? 13 Nov 2024
	Анализи Германија: „Лидл“ се враќа кон своите корени 13 Nov 2024
	Македонија „Вивакс“ продолжува со сопствена преработка на овошје, во тек е откупот на јаболка 15 Nov 2024
	Видео вести (ВИДЕО) Џемаил Даути: Законот за забрана на нефер трговски практики нема да ги намали крајните цени 20 Nov 2024
	Регионално Јелена Круниќ: Предноста на „малите“ трговци е разбирањето на потрошувачите и брзата промена 13 Nov 2024
	Свет САД: „Херши“ ги намали прогнозите за третиот квартал 14 Nov 2024