Словенија: Вработените во „Хофер“ ќе добијат двојно поголем регрес

Вработените во трговскиот синџир „Хофер“ во Словенија ќе добијат двапати поголем регрес во 2020 година, најавија од Управата. 

Регресот ќе изнесува по 1.700 евра, ќе го добијат речиси 2.000 вработени кон средината на јуни, заедно со мајската плата. 

Вработените во „Хофер“ ја добија оваа информација заедно со податокот за рекордно зголемување на платата кон крајот на минатата година. Во овој трговски синџир платите и претходно беа над просечните во индустријата, но од јануари 2020 им се зголемени за 18 отсто. 

Ова е најголем пораст на платите во историјата на компанијата, соопштија од „Хофер“.