Хрватска: „Лидл“ лансира дигитален вегански готвач

По повод Светскиот ден на веганството, „Лидл“ во соработка со здружението „Пријатели на животните“, го претстави бесплатниот дигитален вегански готвач -„Бирај растително, јади фино“.

По повод лансирањето на готвачот, на плоштадот Бан Јелачиќ беше организирана презентација на јадења кои може да се најдат во готвачот. Минувачите имаа можност да ги пробаат јадењата, како и да дознаат повеќе за употребата на растителните намирници и нивното влијание врз здравјето, животната средина и климатските промени.

Ние во „Лидл“ континуирано работиме на поттикнување свесна потрошувачка и балансирана исхрана. Од година во година ја прошируваме нашата постојана палета на вегански и вегетаријански производи, на што укажува широкиот избор на производи од нашиот бренд Vemondo, како и други вегански производи достапни во продавниците на „Лидл“. Овој вегански готвач, создаден во соработка со здружението „Пријатели на животните“, содржи 20 рецепти за вкусни јадења од растително потекло со состојки од „Лидл“, а исто така е дел од стратегијата за одржливост на „Лидл“,  „На пат кон утре“ која се залага за поодржлив живот, посветеност на здравјето и грижата за зачувување на нашата планета, изјави Лана Југо, раководител на оделот за општествена одговорност и одржливост во „Лидл“ - Хрватска.

Чекорот кон намалување на потрошувачката на производи од животинско потекло се движи напред, како за здравјето на поединецот, така и за животната средина и животните. Охрабрувачки е фактот што, покрај изобилството на овошје, зеленчук, печурки, житарки, јаткасти плодови и семки, има и растително месо во различни форми како што се стекови, плескавици, ќебапи, салами, колбаси и други, а расте и бројот на различни растителни производи, верзии на млеко, сирење, јогурт и павлака. Секој може да најде нешто што ќе му се допадне, додаде Лука Оман, претседател на здружението „Пријатели на животните“.

Како дел од својата стратегија за исхрана, „Лидл“ се обврза до 2025 година да го зголеми уделот на растителни извори на протеини во својот асортиман, вклучувајќи ја понудата на печурки, јаткасти плодови, семиња но и алтернативи на млеко и млечни производи.

Извор: InStore.rs

Фото: „Лидл“