Црна Гора: Владата ги ограничува маржите за брашно, сол, масло и шеќер

Потпретседателот на црногорската влада за економска политика и министер за економски развој, Ник Ѓелосај, за следниот период повторно најави ограничување на маржите за брашно, сол, масло и шеќер.

Маржите на основните животни намирници во големопродажбата ќе бидат ограничени на пет отсто, а во малопродажбата на седум отсто.

Ѓелосај истакна дека Владата се одлучила на овај потег поради најавеното поскапување на основните животни намирници.

Имајќи ги во предвид најавените поскапувања на цените на основните животни намирници во трговијата, а со цел да се заштити стандардот на граѓаните, ќе ја подготвам одлуката за ограничување на маржите. Одлуката ќе ги опфати основните животни намирници и тоа: пченично брашно тип 400, пченично брашно тип 500, шеќерот, сончогледовото масло и сол, изјави Ѓелосај.

Извор: Vijesti.mk

Фото:Pexels