Отворена нова онлајн-продавница на dm во БиХ

Со цел да одговори на потребите на потрошувачите, компанијата „дм дрогерие маркт“ претстави нова онлајн-продавница. Со широк асортиман на производи, новата dm онлајн-продавница нуди едноставно и безбедно купување.

Во онлајн-продавницата dm потрошувачите можат да најдат повеќе од 8.000 производи од брендот на dm и производи од други домашни и меѓународни брендови од категориите убавина и нега, здрава исхрана и додатоци во исхраната, производи за бебиња и деца, домаќинство, домашни миленици и др.

Отворањето на новата онлајн-продавница на dm е природен редослед на нашите напори да им понудиме на нашите потрошувачи уште подобро искуство за купување и да продолжиме со дигитализацијата на нашиот бизнис. За почеток, во понуда се повеќе од 8.000 производи, додека веќе во текот на следната година очекуваме да го вклучиме целиот асортиман на dm во онлајн-продавницата, изјави Адмира Исаковиќ, директорка за набавки и маркетинг на dm.

Покрај широката палета на производи, dm online shop нуди и многу советодавни содржини, статии и препораки за производи. Дополнително, сите регистрирани потрошувачи, со креирана сметка „My dm“, имаат преглед на сите нивни нарачки, омилени производи, листа на желби на едно место, како и можност да ја поврзат нивната активна сметка за убавина и на тој начин да добијат поени и заштеди. побрзо.