„Подравка“ им исплати дополнителна награда на вработените пред Божиќ

Управата на „Подравка“ донесе одлука за исплата на дополнителна награда за вработените во износ од по 1.260 хрватски куни (167 евра) и со тоа дополнително да им ги разубави божиќните празници. 

Од „Подравка“ соопштија дека причина за наградата се остварените резултати во првите 11 месеци од годинава, а притоа ценејќи го придонесот и ангажманот на своите работници.   

Со оваа дополнителна награда, покрај неоадмна исплатените по 1.500 куни (200 евра) по повод Божиќ и по 600 куни (80 евра) за секое дете до навршени 15 години кое преку вработените остварува право на здравствена заштита, желбата е да им се заблагодариме на работниците за нивната преданост кон работата, посебно во предизвикувачки услови среде уште актуелната пандемија, велат од компанијата.