Србија лани извезе вино во вредност од 16 милиони евра

Србија во 2020 година произведе речиси 23 милиони литри вино, а извезе 11,17 милиони литри вино, во вредност од околу 16 милиони евра, соопшти српското Министерство за земјоделство.  

Исто така, бројот на регистрирани производители константно расте. Во јуни 2021 година во Србија се регистрирани 430 производители на вино, додека во 2016 година ги имаше 295. 

Лани Србија произведе 7,2 отсто помалку вино во споредба со 2019 година. Од Министерството велат дека, меѓу другото, причина е и намалениот род на грозје поради градот кој во мај лани погоди одредени делови од државата познати по производството на грозје.