Нов летниковец во Ѓорче Петров

Во духот на слоганот „За нас" на пивото Скопско, вчера жителите на скопската општина Ѓорче Петров, добија нов летниковец, кој е поставен во населбата Даме Груев.

Ова е вториот од 15-те летниковци што „Пивара Скопје" планира да ги постави во различни општини низ земјава. Првиот беше поставен во петокот во Карпош.

Би сакал да им се заблагодарам на нашите пријатели од „Пивара Скопје" за донацијата на овој летниковец. На овој начин, ја враќаме сплотеноста и истовремено им овозможуваме на граѓаните на едно урбано место да се дружат, релаксираат, да играат шах, табла, да разговараат за секојдневнието…, изјави градоначалникот Александар Наумоски, кој додаде дека маалскиот живот во Ѓорче Петров е одлика на општината и оти на ова место граѓаните ќе имаат можност да ја продолжат традицијата.