Наскоро единствен пазар на труд меѓу Македонија, Србија и Албанија

Граѓаните на Македонија, Србија и Албанија наскоро ќе можат да се вработат во земјите со идентификациските броеви на „Отворен Балкан“ без никакви дополнителни административни бариери, соопшти Стопанската комора на Србија (СКС).

Издавањето на првите легитимации кои ќе овозможат слободен пристап до пазарот на труд во Западен Балкан се очекува за време на Самитот „Отворен Балкан“ на 7 и 8 јуни во Охрид, изјави советникот на претседателот на СКС, Ненад Ѓурѓевиќ.

Тој рече дека СКС, заедно со стопанските комори на Северна Македонија и Албанија, бизнис заедницата, активно учествува и ги поддржува владите во спроведувањето на иницијативата „Отворен Балкан“ и оти приоритет е натамошната имплементација на договорените договори.

Ѓурѓевиќ на панелот „Ветришта на балканските промени – како го менуваме нашиот регион“, во рамки на „Опен балкан форумот“ што го одржува организацијата „Лимбек“ во Белград, изјави дека за побрзо спроведување и усогласување на администрациите потребно е да се формира имплементатор и надзорни тела на ниво на иницијативата „Отворен Балкан“ кои би го следеле спроведувањето и реализацијата на целиот процес.

„Отворен Балкан“ е отворен за сите економии во регионот. Само заедно можеме да одговориме на деловните предизвици и да привлечеме странски инвеститори во регионот. Ако се погледнат економиите на Западен Балкан, тие имаат вкупно околу 18 милиони жители и бруто домашен производ од 111 милијарди евра, што е помалку од Чешка, чиј БДП е 250 милијарди евра, рече Ѓурѓевиќ.

Најважната цел на иницијативата „Отворен Балкан“ е да придонесе за подобар живот на граѓаните од регионот преку овозможување слободен проток на стоки, капитал, услуги и луѓе.