Нова дрогерија dm во „Ист гејт мол“

На 11 ноември dm ја отвори новата дрогерија во „Ист гејт мол“, со што бројот на продажни објекти во земјава го прошири на вкупно 21.

Новата дрогерија е со вкупна површина од 362,96 квадратни метри, од кои 279,58 се продажен простор, 68,55 се магацински, а 14,83 квадрати се помошен простор.

Асортиманот го сочинуваат повеќе од 14.500 производи за нега и убавина, производи за нега на мажи и бебиња, природна козметика, органска храна и додатоци во исхраната, производи за хигиена во домот, за нега на алишта... Голем дел од асортиманот го сочинуваат приватните трговски марки – Balea, alverde, dmBio, babylove, Denkmit и други, кои се со ист квалитет во сите 13 земји каде што работи компанијата.

Општествената одговорност на dm како компанија и овој пат не изостана. Дел од остварениот промет на денот на отворањето, односно 120.000 денари, беа донирани во хуманитарни цели на ДУЦР ,,Партенија Зографски“ од Скопје.

Со отворањето на овој објект, dm во Македонија е присутен со 21 продажен објект, од кои 13 се во Скопје и по еден продажен објект во Тетово, Велес, Куманово, Штип, Битола, Струмица, Гостивар и Охрид.