Синдикалната минимална кошница во јуни изнесувала 34.212 денари

Синдикалната минимална кошница во јуни годинава изнесува 34.212 денари, соопшти Сојузот на синдикати.

Од елементите што ја сочинуваат синдикалната кошница, 14.547,96 денари се за исхрана и пијалаци, 10.800,18 денари за домување, 2.378,03 денари за хигиена, 2.508,84 денари за превоз, 2.176,2 денари за облека и обувки, 1.067,86 денари за култура и 732,8 денари за одржување на здравјето.

Како што наведуваат од Сојузот на синдикати, просечно исплатена нето-плата за април годинава, според последниот објавен податок од Државниот завод за статистика, била 28.438,00 денари.