„Кожувчанка“ донира за вакциналниот пункт во Кавадарци

Компанијата „Кожувчанка“ донира 100.000 шишиња вода Изворска и 22.000 лименки безалкохолен пијалак Sinetta за потребите на пунктот за вакцинација во Кавадарци.

Регионалниот пункт за вакцинација во Кавадарци е место за  масовно вакцинирање наменето за кавадарчани, но и за граѓаните од: Неготино, Велес, Градско, Росоман, Демир Капија, Валандово, Дојран и Гевгелија.

Со новата донација докажуваме дека сме одговорен поборник таму каде што е најпотребно. Во последната година откако почна пандемијата, поддржуваме голем број клиники и ковид-центри насекаде во земјава. Чест и задоволство ни е што несебично помагаме и во овие моменти на вакцинација, се наведува во соопштението на „Кожувчанка“.

Претходниот месец кавадаречката компанија објави дека со Министерството за здравство направила договор за донација на Изворска за сите вакцинални пунктови во земјава, вклучувајќи го и најголемиот вакцинален пункт во А1 Арената, СП „Борис Трајковски“ во Скопје.