Утре ќе нема полициски час, од задутре ќе почува од полноќ

Владата на РСМ на денешната седница одлучи од 13 мај (четврток) полицискиот час во земјава да трае од полноќ до 4 часот наутро.

Во согласност со претходното донесената одлука, ноќта меѓу 12 и 13 мај ќе нема забрана за движење на населението, за време на празникот Рамазан Бајрам.

Меѓу другите мерки што се донесени, Владата одлучи и дека угостителските објекти од утре, 12 мај ќе можат да работат до 23:30 часот, но само во отворениот дел од објектите.

Истовремено, на владината седница е одлучено дека може да се организираат настани, согласно наменските протоколи, но само со исполнетост до 30% од капацитетот на затворениот простор.