„Нестле“ лансира веганска алтернатива на туна

Прехранбениот гигант „Нестле“ овој месец во Швајцарија претставува алтернатива на туна на растителна основа, надевајќи се дека потрошувачите, кои во тек на пандемијата повеќето оброци ги подготвуваат дома, ќе имаат уште поголема желба да пробаат нови производи и вкусови. 

Позната по Maggi супите и по коцките за супи, компанијата и претходно вложуваше во развој на производи на растителна основа, за да ја направи попривлечна својата понуда за потрошувачите кои не сакаат месо. 

Новата Garden Gourmet туна е направена од протеини од грашок, ќе биде достапна во стаклени тегли и ќе може да се употребува во салати, сандвичи и пици. 

Развиена во тек од девет месеци во швајцарскиот истражувачки центар на „Нестле“, туната е првиот производ од групата растителни морски плодови што стигна на пазарот. 

Минатата година, вредноста на продажбата на месните алтернативи на „Нестле“ достигна околу 18,4 милиони евра.