Канада официјално во рецесија поради пандемијата

Канада официјално е во рецесија во првиот квартал, предизвикана од пандемијата Ковид-19, соопшти советот на влијателниот институт „ЦД Хау” (C.D. Howe).

Според официјалната статистика економијата во март е намалена за девет проценти, а канадскиот институт смета дека поради забавувањето на економијата време е да се прогласи рецесија.

Членовите се согласија дека со примена на методологијата на Институтот со првичните расположливи податоци, Канада влезе во рецесија во првиот квартал на 2020 година, се вели во соопштението на институтот.

Извештаите покажуваат дека повеќе од милион работни места биле изгубени во март, а првичната проценка на Канадското биро за статистика сугерира дека економијата се намалила за девет проценти, бидејќи фабриките низ целата земја не работат.