Вегански јајца ќе се продаваат на пазарот

Вегански јајца ќе се појават на пазарот веднаш откако ќе добијат зелено светло дека се нутритивно одржливи. 

Се очекува дека овие јајца ќе почнат да се продаваат кон средината на оваа година. 

Првичната идеја потекна од две Французинки, кои смислија веганска замена за јајцата. Потоа, јајцата ги направија биолози од париското училиште за индустриска биологија. 

Во веганските јајца има околу 10 отсто помалку масти и протеини за разлика од јајцата од кокошка. Исто така, помалку се калорични, а различен е и нивниот вкус.  

Кога почнавме да креираме вегански јајца, најголема компликација што се појави беше како да направиме јајца кои при готвењето ќе реагираат исто како и кокошкините. Јајцата што сега ги имаме на пазарот се користат на многу различни начини, што го отежнува процесот на копирање, порачаа творците на идејата за вегански јајца.