„Карфур“ наскоро и во Узбекистан

Францускиот гигант „Карфур“ следната година ќе ја отвори својата прва продавница во Узбекистан. 

„Карфур“ ќе влезе на узбекистанскиот пазар со својот партнер, групацијата „Мајид Ал Футаим“ со која трговецот веќе работи на Блискиот Исток, и во текот на следните две години ќе отвори седум продавници во главниот град Ташкент. Три супермаркети и еден хипермаркет ќе почнат да работат уште од 2020 година. 

Партнерството на „Карфур“ со „Мајид Ал Футаим“ трае 24 години и опфаќа контрола над 285 „Карфур“ хипермаркети и супермаркети во 14 земји.  

Узбекистан е идеален пазар за воведување на нашиот концепт - уживајќи во високиот економски раст, купувачот бара модерен начин на купување. Ова е пресвртница во нашиот поход кон пазарот на централна Азија, соопштија од „Мајид Ал Футаим“.  

Со влегувањето во Узбекистан, „Карфур“ ќе отвори 2.500 нови работни места, како и соработка со околу 600 локални дистрибутери и производители.