Светот губи храна од околу 400 милијарди долари пред таа да стигне до продавниците

Светот губи храна вредна околу 400 милијарди долари пред таа да стигне до продавниците, покажуваат податоците на Обединетите нации. 

Околу 14% од произведената храна во светот се губи некаде по пат. Најголем удел во тоа имаат централа и јужна Азија (20,7%), Северна Америка и Европа (15,7%) и Субсахарска Африка (14%).

Губењето на храната подразбира непотребен притисок на околината и природните ресурси што се користени за производство. Тоа значи дека земјата и водените ресурси се потрошени, загадувањето е веќе направено и штетните гасови се ослободени во атмосферата, изјави Кју Донгу, генерален директор на Организацијата за храна и земјоделство на Обединетите нации.

Подобро складирање во соодветни услови и права инфраструктура би можела да ги намали овие загуби, но потребни се и детални податоци околу синџирот на дистрибуција за да може да се реши проблемот.

Од друга страна, податоците говорат дека повеќе од 820 милиони луѓе гладуваат секој ден.