Европа воведува нови правила за онлајн трговија

Од јануари следната година ќе стапат во сила нови правила за онлајн трговија кои ги воспоставува Европската Комисија(ЕК).

Целта е меѓународните власти да можат подобро да ги заштитат купувачите кои купуваат преку интернет. 

Со правилата треба да се добие подобар пристап до онлајн пазарот, односно до сите производи кои бизнисите со е-трговија ги нудат во ЕУ, како и да се елиминираат непотребните бариери меѓу земјите и неоснованите барања што ги наметнуваат некои компании. 

Законите ќе онезможат пристап на веб страни и социјални медиуми кои направиле измама на потрошувачи. Друга новина е и тоа што ќе може да се побара и информација од интернет провајдери и од банки со цел да се открие идентитетот на трговците кои се служат со измами.