Германија: Продолжува рецесијата и намалувањето на производството

Истражувањето на „Блумберг“ покажа дека економистите  се откажуваат од надежта дека Германија може втора година по ред ја го избегне намалувањето на производството.

Аналитичарите во анкетата гледаат намалување на бдп за 0,1 отсто во 2024 година после падот од 0,3 отсто во 2023 година. Пред еден месец и понатаму прогнозираа стагнација за оваа година.

За 2025 година ја ревидираа својата проекција од 0,7 на 0,8 отсто пораст. Во 2026 година очекуваат раст од 1,3 отсто, што е непроменето во однос на претходниот круг на истражувања.

 Најголемата европска економија уште еднаш избегна техничка рецесија, со неочекуван раст од 0,2 отсто во третиот квартал. Но, тоа следеше по падот од 0,3 отсто, поголем од првично објавеното, помеѓу април и јуни.

Во исто време, изгледите за раст во наредните месеци се влошија, поради зголемената политичка несигурност по реизборот на Доналд Трамп во САД и колапсот на германската влада.

Претседателот на „Бундесбанк“, Јоаким Нагел, оваа недела предупреди дека заканите на Трамп за повисоки царини би можеле да ја чинат Германија еден процент од економското производство. Имајќи предвид дека германскиот економски раст во наредната година ќе биде под 1,0 отсто, дури и без американските царини, производството всушност би можело да падне на негативна територија, додаде тој.

Економистите се различни за потенцијалното влијание на Трамп врз германската економија, според посебно прашање во истражувањето.

Меѓу оние кои веќе ја ревидираа својата прогноза за БДП поради неговото враќање во Белата куќа, многумина очекуваат намалување од 0,1 или 0,2 процентни поени. Но, економистите од „Ландесбанк Баден – Вутемберг“  на пример, веруваат дека производството ќе биде за дури 0,9 процентни поени помало во 2025 година.

 Извор: biznis.rs

 Фото: Pexels