САД: „Монделез“ ги надмина очекувањата во првата четвртина

Компанијата објави пораст од 1,4% на нето-приходот на 9,29 милијарди долари во првиот квартал, надминувајќи ги очекувањата на аналитичарите дека нето-приходот ќе достигне до 9,16 милијарди долари.

Органскиот нето-приход на компанијата во овој период порасна за 4,2%, поттикнат од повисоките цени, стабилната побарувачка и продажбата на бизнисот со гуми за џвакање, објави компанијата.

Во Азија, Блискиот Исток и Африка, компанијата забележа пораст на нето-приходот од 0,6% во првиот квартал, во споредба со порастот од 3,9% во истиот период претходната година.

Во Северна Америка, „Монделез“ забележа пад на нето-приходот од 2,1%, во споредба со порастот од 26,8% во истиот квартал минатата година.

Кога станува збор за Европа, компанијата забележа пораст на приходите од 1,8%, далеку понизок од порастот од 12,7% претходната година.

И покрај предизвикувачкото и динамично опкружување, нашите тимови останаа фокусирани и агилни во извршувањето на нашата долгорочна стратегија за пораст. Продолжуваме да инвестираме во нашите брендови, да ја зголемуваме дистрибуцијата и да реализираме синергии од неодамна стекнатите средства за да поттикнеме одржлив долгорочен пораст, рече Дирк Ван де Пут, извршен директор на „Монделез интернационал“.

Извор: FoodBev

Фото: Монделез