Се очекува поголемо производство на вино во Франција

Се очекува дека производството на вино годинава во Франција ќе се опорави по минатогодишниот мраз, иако траењето на сушата би можело да го намали неговиот обем, соопшти француското Министерство за земјоделство. 

Се очекува зголемување на производството за 13 - 21 отсто, на меѓу 42,6 милиони хектолитри и 45,6 милиони хектолитри, предвидува министерството во својата прва прогноза за 2022 година. Распонот на прогнозата е дури до 7 отсто над петгодишниот просек, се наведува во соопштението. 

Во повеќето региони временските услови беа поповолни од лани за цветање на виновата лоза, освен во делови од југозападот кои беа зафатени со мраз и град. 

Франциускиот земјоделски сектор, најголем во ЕУ, стравува од растечки губитоци од најлошата суша во земјата која беше поттикната со неколку последователни топлотни бранови.