Коронавирусот ја нагриза продажбата на швајцарското чоколадо

Продажбата на швајцарското чоколадо се намали за 14,3 отсто во првите осум месеци од годинава бидејќи пандемијата ја погоди малопродажбата поврзана со патувања, како и работењето на хотелите и рестораните.

Падот беше уште поизразен во периодот од четири месеци до крајот на август, кога продажбата потона за една петтина, како одраз на падот на домашната и странската побарувачка, беше кажано во вторникот на здружението на производители „Чокосуис“.

Швајцарија извезува повеќе од 70% од произведеното чоколадо, а од здружението предупредуваат дека закрепнувањето не се гледа на нивните важни пазари ниту на долг рок.

Пад е забележан и во домашната продажба во првите осум месеци, додека увозот бележи пораст. Од здружението истакнуваат дека причина за пораст на увозот се високите цени на суровините во Швајцарија.