„Нестле“ инвестира 3,6 милијарди долари за да се префрли на зелена енергија

Швајцарската мултинационална корпорација за преработка на храна и пијалоци, „Нестле“, објави дека има намера да инвестира 3,2 милијарди швајцарски франци (околу 3,58 милијарди долари) во следните пет години за да го намали влијанието на климата на нето нула емисии до 2050 година.

Компанијата додаде дека планира да работи со земјоделци и производители за зајакнување на таканареченото регенеративно земјоделство, засадување стотици милиони дрвја и преселување во одржливи извори на енергија до 2025 година.

Инвестицијата ќе се финансира преку оперативната и структурната ефикасност на компанијата, соопштија од „Нестле“.