„Горење“ отпушта 2.200 вработени

Словенечкиот производител на апарати за домаќинство „Горење“ поради кризата предизвикана од корона вирусот, отпушти 2.200 вработени.

Оваа одлука компанијата ја донесе на вонредниот состанок одржан во среда, а причината за одлуката е намалената побарувачка поради пандемијата.

Од вкупно 2.200 луѓе што ќе бидат отпуштени, 1.000 се во Словенија, а другиот дел во останатите држави, каде компанијата работи.

Во април минатата во оваа компанија беа вработени 9.300 работници. „Горење“ има свои фабрики во Србија и во Чешка, а во 2018 година ја презеде кинеската компанија „Хајсенс“.