БиХ: Зголемен е бројот на плаќањата преку интернет

На крајот на 2024 година, вкупниот број на активни платежни картички во БиХ изнесуваше 2.585.419, што е зголемување за 131.069 во споредба со 2023 година, објави Централната банка на Босна и Херцеговина (ЦББХ).

На пазарот доминираат дебитните картички, со учество од 83,37% и изразен тренд на раст.

Вредноста на трансакциите со картички се зголемува и во 2024 година изнесува 18,4 милијарди конвертибилни марки (9 408 161 040 евра), што е зголемување од 13,76% во однос на претходната година. Евидентен е континуираниот раст на вредноста на трансакциите со картички од година во година, се вели во соопштението.

Има зголемување на трансакциите со картички на банкомати, пос терминалите и интернет Од вкупната вредност на трансакциите со картички, 68% се вршени на банкомати, 28% преку пос терминалите, додека 4% се вршени преку интернет.

Процентот на реализирани трансакции со картички на интернет во БиХ  изнесува 36%, а во странство 64% ​​од вкупните трансакции со картички на интернет.

Вредноста остварена во странство со картички издадени од банки во БиХ е зголемена во 2024 година за 34,34% во однос на 2023 година и изнесува една милијарда конвертибилни марки. Во структурата на трансакциите, подигањата на готовина на банкомати и ПОС уреди учествуваат со 31%, додека учеството поврзано со купување на стоки и услуги на ПОС терминалите е 69%.

Инфо: InStore.rs

Фото: Pexels