Хрватска: „Подравка“ и Лука Модриќ донираа производи на Банката за храна

 „Подравка“ во соработка со амбасадорот на Lino Lada, Лука Модриќ и оваа година организираше донација на производи за загребската Банка за храна. Вработените во „Подравка“ и Црвениот крст повторно ги здружија силите и заедно подготвуваа пакети од„Подравка“ во кои главна ѕвезда е Lino Lada.

Банката за храна во Загреб беше отворена минатата година со цел да има континуирана поддршка со храна за социјално ранливите граѓани

Иако не можеше лично да присуствува, Лука Модриќ ја поддржа акцијата преку видео порака, нагласувајќи ја важноста од малите гестови на внимание, особено за време на оваа празнична сезона.

Горди сме што втора година по ред ја поддржуваме работата на Банката за храна со нашите производи. Во тоа ни помогнаа нашите пријатели од Црвениот крст и нашиот амбасадор на Lino Lada,  Лука Модриќ. Грижата за заедницата и најпотребните е всадена кај сите во „Подравка“ и се трудиме да се водиме од оваа мисла во секојдневното работење. Банката за храна одлично се вклопува во таквата стратегија и задоволни сме што успеавме да ги засукаме ракавите и да ги подготвиме нашите пакети и оваа година. Веруваме дека барем малку ќе им ги заслади празниците, изјави Петра Краљ, директорка во „Подравка“ на деловната програма за  кремасти намази и слатки.

По подготовката на пакетите со подароци, „Подравка“ и Црвениот крст  ги поделија на корисниците на Банката за храна.

Благодарност за донацијата изрази Анте Млинариќ, раководител на одделот за кризни ситуации и социјално – хуманитарна дејност на градскиот Црвен Крст од Загреб.  

„Подравка“ им се заблагодарува на Црвениот крст и на вработените во Банката за храна за нивниот континуиран труд и посветеност, како и на сите учесници кои ни помогнаа уште еднаш да покажеме дека солидарноста секогаш наоѓа начин преку заеднички напори.

Извор/Фото: Instore.hr