„Конзум“ вложува 15 милиони евра во зголемување на платите на вработените

„Конзум“ ќе вложи повеќе од 13,2 милиони евра во ново зголемување на платите за вработените. Почнувајќи од јануари, повисоки плати ќе добијат повеќе од 9.000 вработени во малопродажбата, големопродажбата, логистиката и онлајн продавниците. 

Покрај тоа, зголемен е и износот за додатоците за Божиќ, регресот и подароците за деца, како и за максимален износ за превоз, што е вкупна инвестиција од речиси милион ипол евра, соопштија од компанијата. 

Свесни сме дека годината зад нас беше деловен предизвик и дека вработените во најголема мерка се заслужни за нашите резултати, а на нас како одговорен работодавач е да го препознаеме нивниот придонес и да им овозможи најдобри услови за работа. Затоа континуирано ги унапредуваме и ги зголемуваме правата и бенефициите за вработените и ги наградуваме кога имаме можност за тоа. Важно е да се истакне и квалитетниот дијалог со социјалните партнери во тек на целата година со кои заеднички ги договаравме условите што ќе ги почувствува секој вработен, а истовремено би биле во согласност со деловните планови и издвојувањата од буџетот, изјави Зоран Митрески, претседател на Управата на „Конзум“. 

За потсетување, трговецот и во 2022 година вложи повеќе од 150 милиони куни во дополнителни надоместоци за вработените.