„Лидл“ - Србија избра зелена енергија

„Лидл“ - Србија потпиша договор со јавното претпријатие „ЗелЕПС“, според кој од 1 мај, сите продавници од овој синџир, како и зградата на администрацијата и логистичкиот центар, ќе бидат целосно снабдени со „зелена“ енергија, т.е. енергија добиена исклучиво од обновливи извори.

Ова е само еден од чекорите во рамките на напорите на „Лидл“ да придонесе за градење на почиста животна средина и одржлив развој преку одговорни деловни практики, соопштуваат од трговскиот синџир.

Како одговорна компанија, ние сме свесни за влијанието што го имаме врз заедницата, па преку бројни иницијативи го менуваме нашиот став кон ресурсите за да не ја загрозуваме природата или општеството. Борбата за зачувување на животната средина за нашата компанија не е само проблем на иднината, туку и клучно прашање на денешницата. Потврда за нашата посветеност кон општествено-одговорната деловна активност се бројни активности насочени кон промена на енергетските навики, во сите деловни процеси, почнувајќи од изградбата на објекти во Србија, рече Александра Мириќ, од одделот за општествена одговорност на компанијата во „Лидл“ - Србија.

Друга новина е што благодарение на зелената конструкција, повеќе од 40 продавници на „Лидл“ го добија сертификатот EDGE (Одличен дизајн во поголема ефикасност) за градежни решенија што доведуваат до заштеда на енергија и вода, како и намалени емисии. EDGE е основана од ИФЦ, филијала на Светска банка, што им дава дополнителен кредибилитет на инвестициите во одржливост. Така, продавниците на „Лидл“ користат најмалку една четвртина помалку енергија и вода во споредба со објекти со слична големина и намена, додека оперативната заштеда на штетни емисии, во просек, изнесува импресивни 82,92 тони по продавница.

И кога станува збор за секојдневно користење на енергијата, одговорноста на Lidl се рефлектира во воспоставениот систем за управување со енергија со низа мерки за намалување на потрошувачката на енергија. Потврда за успехот на Лидл во оваа област е сертификатот ISO 50001 доделен од организацијата ДЕКРА, што подразбира воспоставување и управување со потрошувачката на енергија и понатамошно зајакнување на деловната активност преку подобрување на енергетската ефикасност во сите области на активност.