Отворен е првиот „Киппер“ во Охрид

Хард-дисконтерот „Киппер“ на 23 јули го отвори првиот маркет во Охрид, кој е лоциран на улицата Партизанска бб, веднаш до „Тутунска банка“.

Новиот маркет се простира на продажна површина од 438 квадратни метри, а располага и со дополнителен магацински простор од 180 квадратни метри. Асортиманот го сочинуваат околу 1.600 артикли. За услугата се грижи персонал од деветмина вработени, а потрошувачите имаат на располагање три наплатни каси.

Досега продажната мрежа на „Киппер“ ја сочинуваат 49 маркети, а како што откриваат од менаџментот за InStore, на 10 август ќе бидат отворени уште два маркета – еден во Охрид и еден во скопската населба Ченто.

Гордо сакаме да најавиме дека го продолжуваме интензивно проширување на продажната мрежа на македонскиот пазар со пораката „Киппер е добар избор и блиску до вас“, истакнуваат од менаџментот на компанијата.