На 4. април во Скопје ќе се одржи 5. Меѓународна контролинг конференција

Во организација на „Контролинг бизнис центар“ на 4 април во Скопје, во хотелот „Хилтон“ ќе се одржи конференција на тема „Resource Optimization: How the Rubik's Cube Reflects the Controlling Process“. Дел од предавачите ќе бидат реномирани експерти од Германија, Хрватска и Македонија, кои ќе споделат практични искуства и најнови трендови во контролингот.

На годинешната конференција свое излагање ќе има тим од софтверска компанија од Хрватска која има 35 годишно искуство во развојот на ЕРП решенијата по мерка за ритејл индустријата. Дел од нивните корисници се „Конзум“, „Меркатор“, „Студенац“, „Нексе“...

Во динамичниот бизнис свет, менаџерите и контролерите постојано се соочуваат со предизвици во оптимизација на ресурсите, зголемување на ефикасноста и донесување одлуки засновани на податоци. Со растечката улога на вештачката интелигенција, автоматизацијата и новите пристапи во управувањето, традиционалните методи се менуваат, а компаниите мора да бидат флексибилни и адаптивни, потенцираат од „Контролинг бизнис центар“.

Конференцијата ќе ја отвори министерката за финансии, Гордана Димитриеска – Кочоска, а во рамките на конференцијата ќе се одржи панел дискусија со менаџери, контролери и финансиски експерти, каде што ќе се дискутира за најголемите предизвици во контролингот, стратегиите за оптимизација на ресурсите и улогата на аналитичките податоци во донесувањето на клучни деловни одлуки.

За да се пријавите, кликнете тука