Владата ги ограничува маржите на 10 проценти за основните прехранбени производи

На вчерашната владина седница е донесена одлука ограничување на трговската маржа на 10 отсто во трговијата на големо и мало за 73 групи прехранбени производи  на седницата беше презентиран и извештајот на Министерството за економија за поскапувањето на храната во супермаркетите.

На списокот на производи со ограничување на маржите, покрај основните прехранбени како леб и пекарски производи, млеко, месо и месни производи, некои конзервирани производи, овошје, зеленчук, ориз, грав и слично, ќе се најдат и хигиенски производи како детергенти, но, и храна за бебиња, а мерката ќе трае до 30 април, објави портпаролката на Владата, Марија Митева.

Претходно, премиерот Христијан Мицкоски посочи дека препорачува сите супермаркети да почнат јавно да ги објавуваат цените на сите производи што ги продаваат и редовно да ги ажурираат.

Владата го задолжи Министерството за економија да организира итен работен состанок со сите надлежни институции, како што се Државниот пазарен инспекторат и министерствата за финансии и за земјоделство на кој ќе се разгледуваат и други предлози и мерки. Беше донесена и програма за заштита на ранливите потрошувачи на електрична енергија.

Извор: lokalno.mk

 Фото:Pexels