На 26 март, „Тинекс“ ја отвори втората „Спот“ продавница, или како што тие ја нарекуваат, „продавница на место“.
Со фокус на нивната мисија и ставајќи ги потрошувачите на прво место, роден е концептот на продавниците „Спот“. „Спот“ е место каде потрошувачите можат да најдат вкусен доручек, квалитетни сендвичи, свежи пецива, топли тостови, салати и вкусни мафини. Тие можат да се опуштат со одлично кафе и да уживаат во време поминато со своите пријатели бидејќи „Спот“е местото каде потрошувачите ќе чувствуваат удобност и посветеност, соопштуваат од компанијата.
Новата „Спот“ продавница се протега на продажна површина од 155 мкв. и има магацински простор од 170 мкв. Во продавницата има две наплатни каси, а на купувачите на располагање им е асортиман од 1.590 артикли .Во двете „Спот“ продавници на „Тинекс“ вработени се вкупно 11 лица.
„Спот“ е одлично место за набрзина да застанете и да купите состојки за одличен ручек пред да се вратите дома и место каде може да купите подарок во последен момент. „Спот“ е продавница креирана за да одговори на брзиот и динамичен начин на живот, соопштуваат од „Тинекс“.
Извор/Фото: „Тинекс“
@InStore.mk
Крадењето авторски текстови е казниво со закон. Преземањето авторски содржини (текстови и фотографии) од оваа страница е дозволено само делумно и со ставање хиперлинк до содржината што се цитира.