Од среда поевтинуваат повеќе од 50 прехранбени производи

Повеќе од 50 прехранбени производи од 25 категории од среда до 30 ноември ќе имаат пониска цена за 10% на цената која ја имале на 1 август. Овие производи ќе носат ознака „гарантирана цена“ по која граѓаните ќе можат да ги препознаат во маркетите, најави денеска министерот за економија Крешник Бектеши.

Бектеши рече дека оваа ознака ќе можат да ја добијат и производи од друг вид ако се пријават во Министерството за економија и ги намалат цените. На пример, пијалаци и производи за хигиена. 

 Одбележувањето „гарантирана цена“ ќе ја имаат цената од 1 август намалена за 10%. Секој граѓанин ќе може да ја види оваа ознака и ќе знае дека цената на производот е намалена и ќе биде иста до 30 ноември. На пример сите производи кои се нудат во маркетите како шпагети, ќе бидат со намалена цена и означени, кажа Бектеши.

Утре на владина седница ќе биде доставен списокот на производи ккои ќе имаат пониска цена.

Тој најави дека од среда инспекциските служби ќе бидат на терен заедно со членови на владата и ќе вршат контрола како се реализира одлуката на владата.

Акции со пониска цена од намалената со одлука на владата ќе бидат дозволени., но нема да се дозволи акција пред истек на рокот. Таквата акција ќе биде означена како намалување

Акцијата „гарантирана цена“ ќе трае до 30 ноември.