„Жито лукс“ ги поддржува младите волонтери на Црвениот крст

Општинската организација на Црвениот крст на Гази Баба реализира камп за млади волонтери, во чија што организација се вклучи и „Жито лукс“ со донација на производи.

Кампот за млади, на тема „Комуникациски вештини, тим и тимско работење“, се одржа  од 29 до 31 јули во Велестово, Охрид. Станува збор за летен камп за регрутација на волонтери кои во иднина ќе помагаат во хуманитарните пунктови и во активностите на Црвениот крст.

Со организација на ваков летен камп се зајакнаа способностите и капацитетите на младите волонтери, кои напорно работеа и ќе работат за доброто на општеството. Тие се стекнаа со нови вештини, но ги надополнија и веќе стекнатите, а главниот акцент беше на комуникацијата и тимското работење, со цел полесно остварување на целите на Црвениот крст, велат организаторите.